Өкмөт башчысы маалымдагандай, жергиликтүү калк менен компаниянын ортосундагы кызматташуу туруктуу өнүгүп келет. Өз ара кызматташууда көп учурда түшүнүшү менен маселелер чечилип келгендиктен, акыркы эки жылдан ашык мезгил аралыгында жергиликтүү калк санкцияланбаган митинг чыгып же наразычылык менен комбинаттын ишине тоскоолдук болгон аракеттерге барган эмес. Жергиликтүү калктын талабы менен компания калдыктар көмүлүүчү хвостохранилищанын жайгашкан орду башка жака которулду. Проекте хвостохранилище суу кетүүчү сайга булактардын үстүнө пландаштырылып калган. Иштин башталышы менен калк каршы туруп, бүткөрүлгөн проектке өзгөртүү сунушу киргизилди. Ошондой эле жергиликтү элдин суранычы менен 2011 жылдын 21 октябрь айында компаниянын кең казууда «Курчап турган чөйрөгө таасирин баалоо» боюнча коомдук угуу уюштурулду. Жыйынды «Казах Мыс Голд Кыргызстан» компаниясынын бир канча өкүлдөрү Е.А.Альпиев, В.А. Марышев, К.Т.Асанов, В.Т. Осмонкулова жана башкалар келишип, айыл өкмөтү айыл аксакалдары, айылдык кенештин депутаттары, мектеп директорлору жана башка айыл тургундары катышышты. Чогулуш мезгилинде айыл тургундарынан берген суроолоруна «Казах Мыс Голд Кыргызстан» компаниясынын жетекчилери жооп беришип бардык маселелер мыйзам чегинде туура жана так чечилип , чогулуш айыл аксакалдарынын батасы менен аяктады.
Азыркы күндө «Казах Мыс Голд Кыргызстан» компаниясы тарабынан демөөрчүлүк жана экономикалык жактан көптөгөн жардам берилип жатканын, өкмөт башчысы белгилеп кетти.Мисалы: Көк – Таш айылдык аймак Ала – Бука районунан 100 км алыстыкта жайгашкан. Жолдун өтө начардыгынан автобус каттамы жок, электр энергиясы Өзбек Республикасынан алгандыгынан кыш мезгилинде суткасында 1-2 саат гана электр энергиясы сарпталат. Айылдык аймак Өзбек республикасы менен 110км аралыкта чектешкен. «Казах Мыс Голд Кыргызстан» компаниясы өз учурунда бул татаал иште өздөрүнүн чоң салымын кошушту, 110кв чон чыналуудагы линия курушту, Ала – Бука, Аксы, жана Чаткал райондорун электр энергиясы менен камсыз кылууну жакшыртууга шарт түзүштү. Көк – Таш айылы үчүн өтүүгө кыйынчылык туудурган жерге 10 км убактылуу жол куруп беришти жана Көк – Ташка Кыргызстан аркылуу өтүүгө мүмкүнчүлүк берилди. Ошондой эле От – Сай Булак – Башы жана Кок – Таш айылдары үчүн узундугу 28 км жаны автобус каттамы жүручүү жолду « Грант Старт» ЖЧК компаниясы бүтүрүү мезгилинде турат. Жана дагы «Казах Мыс Голд Кыргызстан» жоопкерчилиги чектелген коомунун «Бозумчак» кенин иштетүүдөгү ишмердүлүүгү боюнча айылга маалымат борбору ачылган. Анда айыл жаштары менен компаниянын ортосундагы маалыматы элдерге толугу менен жеткизүүсү жөнундө маалымат доскасы да илинген. Маалымат борборунда азыркы учурда 178 адам иш менен камсыз болуп, жумушсуз 98 айыл тургундары каттоодо турат. Калктын билим денгээлин жогорулатуу максатында айылдан 8 жаш муун балдарды Геологикалык адистиктер боюнча окутуп жатышат. Келечекте компания аймактын көптөгөн экономикалык көйгөйлөрүн чечүү үчүн салым жана төлөм түрүндө кошумча киреше алуу, Бозумчак айылындагы тургундарга экономикалык жактан жардам берилүүсүн уланта берерин, Көк- Таш айылынын өкмөт башчысы Алымов Адылбек, айтып кети.